Asesoramento Paseniño
Dende aquí podes consultar aquelas dúbidas que teñas relacionadas coas necesidades educativas especiais.
As familias de nenos e nenas con necesidades educativas atopámonos ó longo da vida con distintas dificultades: diagnóstico, xestións administrativas, atención temperá, escolarización, inclusión social, incorporación ó mercado laboral…
Non sempre sabemos a onde dirixirnos, que persoa ou entidade pode axudarnos. E por desgraza, nalgunhas ocasións, isto leva a perder ou retrasar dereitos.
Como entidade que ten como finalidade mellorar a calidade de vida dos nenos e nenas con necesidades educativas especiais esperamos que este servicio sexa un recurso útil para todas as familias que o precisen.
Recorda que podes facerte socio/a ou colaborar coa Asociación Paseniño, para axudarnos a seguir traballando en prol dos nosos obxectivos.
